منظرنامہ پر دوبارہ خوش آمدید

ایک عرصے سے منظرنامہ بندش کا شکار تھا۔ عمار بھائی اور دوسرے تمام منتظمین وقت کی کمی کے باعث اس طرف توجہ نہیں دے پا رہے تھے اور نتیجتاً تمام سر گرمیاں بھی بند ہو گئی تھیں۔

ایک ہفتہ قبل بلال کی ایک پوسٹ سے آئیڈیا وجود میں آیا کہ ایک ایسی سائٹ ہونی چاہئے جہاں اردو بلاگنگ کے بارے میں تمام بنیادی باتیں موجود ہوں اور ساتھ ہی ساتھ اردو بلاگنگ کے حوالے سے اعلانات بھی ہوتے رہیں اور سارے اردو بلاگران ان سے واقف بھی ہوں۔ پھر سوچا کہ جب نئی بنانی ہی ہے تو پرانے منظرنامہ کو نئے سرے سے کیوں نہ شروع کر دیا جائے۔ عمار بھائی سے رابطہ کیا اور انہوں نے خوشی خوشی بلاگ ہمارے حوالے کرنے پر ہاں کر دی۔

منظر نامہ اب غیر فعال سے فعال ہو گیا ہے، کچھ نئے اور کچھ پرانے سلسلے جلد ہی شروع اور بحال کر دئیے جائیں گے۔ اس وقت میں اور بلال ہی اس کو دیکھ رہے ہیں اس لئے اگر آپ میں سے کسی کے پاس بھی کوئی نئی تجویز ہو یا پھر آپ

منظرنامہ کی انتظامیہ کے رکن بننا چاہتے ہوں تو ہم سے رابطہ کر سکتے ہیں۔

منظر نامہ کی نئی انتظامیہ :-

محمد بلال خان

وجدان عالم